Thursday, March 28, 2024
Homeதோஷங்களும்-பரிகாரமும்சூரிய தோஷம் நீங்க பரிகாரம்

சூரிய தோஷம் நீங்க பரிகாரம்

பராசரஹோரை படி கணிக்கப்பட்ட 265 பக்க ஜாதக அறிக்கை -Rs.101/-

மேலும் விரிவான தகவலுக்கு கீழே உள்ள பட்டனை தொடவும்

google news astrosiva

சூரிய தோஷம் நீங்க பரிகாரம்

சூரிய தோஷம் ஜோதிட சாஸ்திரங்கள் சூரியனை பித்ரு காரகன் என்று சொல்கின்றன . அதாவது ஒருவரது வாழ்க்கையில் தந்தைவழி உறவுகளுடன் சுமுகமான சூழல் நிலவிட சூரியனின் அமைப்பே காரணம். அதோடு , சூரியனை ஆரோக்யகாரகன் என்றும் சொல்வர். ஒருவரது தலைப்பகுதியில் பிரச்னைகள் வருவது , ஆரோக்யம் அடிக்கடி பாதிக்கப்படுவது போன்றவையெல்லாம் சூரிய தோஷத்தினால் ஏற்படக் கூடியவை.

தலைமைப் பொறுப்பில் பிரச்னைகள் , பணியில் அடிக்கடி இடமாற்றம் , அரசாங்க விஷயங்களில் சங்கடங்கள் என்று தலைமைப் பொறுப்பு சார்ந்த விஷயங்களில் பிரச்னை ஏற்படவும் வாய்ப்பு உண்டு. முயற்சிகளில் வெற்றியின்மை , சோம்பல் அதிகரிப்பு , ஏதேனும் ஒரு வகையில் உடல்நல பாதிப்பு இப்படிப் பிரச்னைகள் ஏற்படவும் சூரியனின் அமைப்பே காரணம் என்கின்றன ஜோதிட நூல்கள்.


உங்கள் ஜாதகத்தில் சூரியனின் அமைப்பினால் தோஷம் இருந்தாலும் சரி , அல்லது கோசாரரீதியாக சூரியனின் அமைப்பு சீர் கெட்டிருந்தாலும் சரி , பின்வரும் பரிகாரங்களைச் செய்வதன் மூலம் , சூரியனின் அமைப்பினால் ஏற்பட்டுள்ள தோஷங்களின் வீரியம் குறைந்து நற்பலன்கள் அதிகரிக்கும்.

சூரிய தோஷம்

ஒருவேளை உங்களுக்கு ராசி , நட்சத்திர , ஜாதகம் போன்றவையெல்லாம் தெரியாது . அதேசமயம் மேலே கூறியதைப் போன்ற பிரச்னைகள் உங்களுக்கும் ஏற்படுகிறது என்றால் , நீங்களும் இந்த பரிகாரங்களைச் செய்யலாம்.

சூரிய தோஷம் உங்களுக்கு இல்லை என்றாலும் நல்லதே நடக்கும்.( மற்ற கிரஹ தோஷ பரிகாரங்களும் இதுபோலவே செய்யலாம்)

💚சூரியனுக்கு சோம்பல் என்பதே கிடையாது . அதனால் , நீங்கள் தினமும் அதிகாலையிலேயே விழித்தெழுவதும் , உதிக்கும் சூரியனைக் கண்டு உளமாரக் கும்பிடுவதும் , சூரிய தோஷத்தை வெகுவாகக் குறைத்து நல்லவை நடக்கச் செய்யும் , ஞாபகம் இருக்கட்டும் , அதிகாலையில் எழுந்து ஆதவனைக் கண்டு அகம் ஒன்றி ஆராதிப்பதோடு , அதன் பிறகு சுறுசுறுப்பாகச் செயல்படுவது முக்கியம். ஏனென்றால் சூரியன் , சோம்பேறிகளுக்கு அனுகிரஹம் செய்வதில்லை.

💚மந்திரங்கள் அனைத்துக்கும் மாதாவாகப் போற்றப்படும் காயத்ரி மந்திரம் , சூரியனைப் போற்றியே அமைந்திருக்கிறது. தினமும் காலையில் நீராடிவிட்டு

ஓம் பூர் : புவ : ஸுவ : தத் ஸவிதுர் வரேண்யம் | பர்க்கோ தேவஸ்ய தீமஹி தியோயோந : ப்ரசோதயாத் || என்கிற காயத்ரி மந்திரத்தை குறைந்தது பதினொரு முறை சொல்வது , சூரியனால் ஏற்பட்டிருக்கும் தோஷத்தின் வீரியத்தைக் குறைத்து விசேஷ நற்பலன்கள் கிட்டச் செய்யும். குறிப்பாக ஆரோக்யத்தில் ஏற்படக்கூடிய பாதிப்புகள் விரைவில் நீங்கி , உடல்நலம் சீராகும் , சிறக்கும்.

💚அதிகாலையில் சூரிய நமஸ்காரம் செய்வதும் சூரியனால் ஏற்படும் உடல்நலப் பிரச்னைகள் நீங்கவும் , ஆரோக்யம் சிறக்கவும் செய்யும் . சூரிய நமஸ்கார யோகா முறை தெரிந்தால் செய்யலாம். இல்லாவிட்டாலும் , மனதுக்குள் சூரியனை நினைத்தபடியே சூரியனை நோக்கி கண்களை மூடிக்கொண்டு , சில நிமிடம் நில்லுங்கள். அதன் பிறகு சிறிது நீரும் பூவும் சூரியனை நோக்கிக் கீழே விட்டுவிட்டு , நமஸ்காரம் செய்யுங்கள். இதுவும் மேலான நற்பலன் தரும்.

சூரிய தோஷம்

💚சகல சாஸ்திரத்திலும் பாண்டித்யம் பெற்ற சூரியனின் பிரதான சீடர் , அனுமன் . சூரியனுக்கு தன் சீடனான மாருதிமேல் ப்ரியம் அதிகம். எனவே அனுமனைக் கும்பிட்டாலும் ஆதவனின் அருள் கிட்டும். அதன் விளைவாக தோஷங்கள் நீங்கும்.

💚ஆதித்யனை இதயத்தில் இருத்திப் போற்றிடும் ஆதித்ய ஹ்ருதயம் , மாருதியைப் போற்றும் அனுமன் சாலீஸா ஆகிய துதிகளை இயன்றபோதெல்லாம் சொல்வது , கேட்பது நல்லது.

💚உயிர்களின் ப்ராணனாக விளங்கக்கூடிய சூரியனுக்கு ஒரு சமயம் தோஷம் பெற்றியபோது , அதனை நீக்கி அவனை ஆட்கொண்டவர் இடபவாகனரான ஈஸ்வரன் . மேலும் ஜோதிடரீதியாக சூரியனுக்கு ஆதிக்க தெய்வம் , சிவபெருமான் . எனவே சர்வேஸ்வரனை ஆராதித்தாலும் சூரிய தோஷத்தின் கடுமை குறையும்.

💚சூரியனுக்கு சூடு பிடிக்காமல் இருக்குமா ? எனவே சூடான அன்னத்தினை தானம் செய்வது சிறப்பு , அதிலும் குறிப்பாக வெல்லம் கலந்த சர்க்கரைப் பொங்கலை தானம் செய்தால் , சூரியன் ரொம்பவே சந்தோஷப்படுவார்.( சூரியனை வணங்கும் தினத்துக்கே பொங்கல் என்றுதான் பெயர் வைத்திருக்கிறார்கள் !)

💚நவதானியங்களில் கோதுமை சூரியனுக்கு உரியது கோதுமை , கோதுமையால் செய்த உணவுப் பண்டங்களை தானம் செய்தாலும் விசேஷ நன்மை கிடைக்கும்.

💚சூரிய தோஷ நிவர்த்திக்கு திருமங்கலக்குடி சென்று பிராணநாதேஸ்வரரை வணங்குவதும் , அதன் பிறகு அருகிலேயே உள்ள சூரியனார் கோயில் சென்று கும்பிடுவதும் தனிச்சிறப்பான நற்பலனைத் தரும்.

💚ஞாயிற்றுக்கிழமைகளில் ஒரு பொழுது விரதம் இருப்பதும் , அன்றைய தினம் அசைவம் தவிர்ப்பதும் நல்லது .

ASTROSIVA Whatsapp சேனலில் இணைய

வாட்ஸ் ஆப் சேனல் மூலமாக இணையும் போது உங்களது தொலைபேசி எண் யாருக்கும் தெரியாது .

பராசரஹோரை படி கணிக்கப்பட்ட 265 பக்க ஜாதக அறிக்கை -Rs.101/-

மேலும் விரிவான தகவலுக்கு கீழே உள்ள பட்டனை தொடவும்

RELATED ARTICLES

கட்டுரை வகைகள்

இன்றைய ராசி பலன்519அடிப்படை ஜோதிடம்183இன்றைய பஞ்சாங்கம்165ஜோதிட குறிப்புகள்158ஜோதிட தொடர்101ஆன்மிக தகவல்92அம்மன் ஆலயங்கள்62குரு பெயர்ச்சி பலன்கள்53108 திவ்ய தேசம்52பரிகாரங்கள்32நட்சத்திர ரகசியங்கள்30சக்தி தரும் மந்திரங்கள்28சனி பெயர்ச்சி பலன்கள்25சிவன் ஆலயங்கள்20கோவில் ரகசியங்கள்20மலையாள மாந்திரீக மந்திரங்கள்19தசா புத்தி பலன்கள்19ராசிபலன்19அற்புத ஆலயங்கள்18தோஷங்களும்-பரிகாரமும்18ராகு கேது பெயர்ச்சி பலன்கள்-2023-202513சுபகிருது வருட பலன்கள்13சோபகிருது வருட பலன்கள்13சனி பெயர்ச்சி நட்சத்திர பலன்கள்13வாக்கிய சனி பெயர்ச்சி பலன்கள் -2023-202613குரோதி வருட பலன்கள் 202413புத்தாண்டு பலன்கள்-202213ராகு கேது பெயர்ச்சி பலன்கள் - 2022-202313ராகு கேது பெயர்ச்சி பலன்கள் - 2020-202213ஆங்கில புத்தாண்டு பலன்கள்-202312பிலவ வருட புத்தாண்டு பலன்கள்12ஆங்கில புத்தாண்டு பலன்கள்-202412நவராத்திரி பூஜை10பெருமாள் ஆலயங்கள்8Gem Stone8கருட புராணம்7திருமண பொருத்தம்7தேவாரத் திருத்தலங்கள்7முருகன் ஆலயங்கள்6சித்தர்கள்5தை மாதம்5தினம் ஒரு திருவாசகம்3ஜோதிட கருத்து கணிப்பு3மார்கழி மாத ராசி பலன்கள்-20232ஆவணி மாத ராசி பலன்கள்2புரட்டாசி மாத ராசி பலன்கள்2வாஸ்து மர்மங்கள்2Navagraha temples2தை மாத பலன்கள்1மார்ச் மாத ராசி பலன் 20241பங்குனி மாத ராசி பலன்கள்1ஜோதிட மென்பொருள்1ஆலயங்கள்1horoscope1ஐப்பசி மாத ராசி பலன்கள்-20231மாசி மாத பலன்கள்1பங்குனி மாத ராசி பலன்கள் -20241

LEAVE A REPLY

Please enter your comment!
Please enter your name here

Most Popular