LATEST ARTICLES

திவ்ய தேசம் 53: திரு கார்வனம் (காஞ்சிபுரம் )

திவ்ய தேசம் 53: திரு கார்வனம்

இந்தப் புண்ணிய திருப்பதி ஷேத்திரம் கூட உலகளந்த பெருமாள் கோயிலுக்குள் தான் இருக்கிறது என்பதால் பெருமாளின் திருக்கல்யாண குணங்களை நிதானமாக, அதே சமயம் ஆனந்தமாக நாம் அனுபவிக்கலாம். காஞ்சிபுரம் சென்று உலகளந்த பெருமாளை சேவிக்கும் பொழுது, பகவான் தனது கோயில் வளாகத்துக்குள்ளேயே வேறுவிதமான பெயர்களோடு ஆனந்த தரிசனம் கொடுக்கிறார் என்பது பெருமகிழ்ச்சி தான்.

திவ்ய தேசம்

தனியாக மிகப்பெரிய சன்னதி என்று சொல்ல முடியாது. ஆனால் பகவானை திவ்யமாக தரிசித்து உய்யலாம். பிரகாரத்தின் வடக்கு நோக்கி அமர்ந்திருக்கிறார்

மூலவர்: கள்வர்,திருமகள் பூமிதேவியுடன் நின்ற திருக்கோளத்தில் கருணை குலுங்க காட்சி தருகிறார்.
தாயார்: கமலவல்லி நாச்சியார்
தீர்த்தம்: கௌரி தடாகம்
விமானம்: புஷ்கல விமானம்,திருமங்கை ஆழ்வார் பாசுரம் பாடிய ஸ்தலம்

திருமாலின் பல்வேறு அவதார மகிமையை கேள்விப்பட்ட பார்வதி தேவிக்கு ஒரு சின்ன ஆசை. எல்லா அவதாரங்களிலும் வித்தியாசமாக இருக்கும் பெருமாளை ‘கள்வன்’ வேடத்தில் காண வேண்டும் என்று ஆசை. இதை சிவபெருமானிடம் சொன்னபோது ‘இது உன் பாடு உன் அண்ணன் பாடு’ என்று சொல்லி ஒதுங்கி விட்டார். பார்வதி தேவி திருமாலை நோக்கி பிரார்த்தனை செய்து தனது ஆசையே அவரிடம் சொன்னாள்.

திவ்ய தேசம்

பெருமாளும் காஞ்சிபுரம் உலகளந்த பெருமாள் சன்னதிக்கு வடக்கே வந்தால் பார்வதி தேவி விரும்பிய வண்ணம் தாம் அந்த ‘கள்வர்’ காட்சியை காட்டுகிறோம் என்று சொல்ல பார்வதி தேவி இங்கு வந்தாள் பகவானும் அவள் விரும்பிய படியே கள்வனாக காட்சி தந்தார் என்று செவி வழியாக சொல்லப்படுகிறது.

பரிகாரம்

மற்ற தெய்வங்களை பிரார்த்தனை செய்து வேண்டுகோளை வைப்பதற்கும், திருமாலைப் பிரார்த்தனை செய்து வேண்டுகோள் வைப்பதற்கும் நிறைய வித்தியாசம் உண்டு. எம்பெருமான் இதுவரை பக்தர்களின் வேண்டுகோளை ஒருபோதும் புறக்கணித்ததே இல்லை. அதேசமயம் காலம் தாழ்த்தியும் செய்ததில்லை. எனவே தங்கள் அனைத்து மனக்குறைகளையும், பணக்கஷ்டம், நண்பர்களால் ஏமாற்றப்பட்ட கஷ்டம், திருமண வாழ்க்கையில் ஏற்படுகின்ற கஷ்டம், குழந்தைகளால் ஏற்படும் மனச்சோர்வு, உறவினர்களால் அகவுரவப்படுத்தப்படுகின்ற கஷ்டங்கள், இன்னும் சொல்லவொண்ணாக் கஷ்டங்கள் இருந்தால் அத்தனையும் இந்த திருகார்வண்ண பெருமாள் முன் வைத்து கண்ணீர் விட்டு கதறினால், அத்தனை கஷ்டமும் விலகும். பெருமாளின் அனுக்கிரகம் கடைசி வரை தொடர்ந்து கிடைக்கும்.

கோவில் இருப்பிடம்

திவ்ய தேசம் 52: தீராத நோய் தீர்க்கும் சக்தி மிக்க ஆலயம் – திருக்கராகம்

திவ்ய தேசம் 52:திருக்கராகம்

‘இந்த உடல் -மனம் பொருள் எல்லாம் பெருமாளுக்குச் சொந்தம். ஏன் இந்த உலகமே பெருமாளுக்குத்தான் சொந்தம் அவன் உலகளந்தவனாயிற்றே. அந்த உலகளந்த பெருமான் அதோடு மாத்திரம் விடவில்லை. இன்னும் ஏராளமான அதிசயங்களை தம் பக்தர்களுக்காகச் செய்திருக்கிறார். அதுவும் காஞ்சிபுரம் உலகளந்த பெருமாள் கோயிலில் உள்ளிருந்தே என்றால் நாம் ஆச்சரியப்படாமல் என்ன செய்ய முடியும்?

காஞ்சிபுரம் உலகளந்த பெருமாள் கோயிலின் இரண்டாவது தென் பிரகாரத்தில் தனக்கென்று ஒரு சன்னதியை அமைத்துக் கொண்டு அருள் பாலித்து வருகிறார் திருக்காரகப் பெருமாள்.

திவ்ய தேசம் 52
மூலவரின் திருநாமம்: கருணாகரப் பெருமாள்
தாயார்: பத்மாமணி நாச்சியார்
தீர்த்தம்: அக்ராய தீர்த்தம்

அக்ராயர் என்ற அரசனுக்கு ஏற்பட்ட கொடுநோய் குணமாகாமல் தவித்த பொழுது இந்த தலத்தில் உள்ள புஷ்கரணியில் நீராடி கருணாகர பெருமாளை பிரார்த்தனை செய்தால் கொடிய நோய் விலகிவிடும் என்று சொன்னதின் பேரில் இந்த ஸ்தலத்துக்கு வந்தார் அக்ராயர். பிறகு தனக்கென்று ஒரு தீர்த்தத்தை ஏற்படுத்திக் கொண்டு அதில் நீராடி பெருமாளை பிரார்த்தனை செய்தார். பெருமாளும் அக்ராயருக்கு தரிசனம் கொடுத்து அவரது தீராத வியாதியை நீக்கியதாக ஒரு செவி வழி செய்தி.

முனிவர்களுள் தனக்கென்று ஒரு தனியிடம் வகித்து வந்த கார்ஹ முனிவரது வேண்டுதலை நிறைவேற்றும் பொருட்டு கருணாகர பெருமாள் பிரத்யஷம் ஆன ஸ்தலம் என்ற பெருமையும் உண்டு.

திவ்ய தேசம் 52

“தொண்டை மண்டல திவ்ய தேசங்களில் முன்னிலை வகிக்கிறது. திருமங்கையாழ்வார் பாடல் பெற்ற ஸ்தலம்”.

பரிகாரம்

ஒருவன் புண்ணியம் செய்தவனா, இல்லை பாவம் செய்தவனா என்பதை அவனுக்கு வந்திருக்கும் நோயை வைத்து சொல்லிவிடலாம் என்று சொல்வதுண்டு. தீராத நோய் என்று வந்தால் மருத்துவரிடம் செல்வதை விட திருமாலிடம் சரணடைவது தான் மிகுந்த புத்திசாலித்தனம். அக்ராயர் அப்படி செய்துதான் நோயிலிருந்து குணமானார். தீராத நோய் கொண்டவர்கள், மன உளைச்சலால் பாதிக்கப்பட்டவர்கள், மனநோயாளிகள், எதிர்பார்த்து ஏமாந்து போனவர்கள், அதிர்ச்சியினால் பேச முடியாமல் பாதிக்கப்பட்டவர்கள், நரம்புத் தளர்ச்சி, தோல் சம்பந்தமான நோயினால் பாதிக்கப்பட்டவர்கள், இங்கு வந்து கருணாகர பெருமாளை முறைப்படி வணங்கி பிரார்த்தனை செய்தால் அவர்களுடைய தீராத வியாதிகள் மட்டுமல்ல மனக்குறைகளும் விலகி வாழ்வாங்கு வாழ்வார்கள்.

கோவில் இருப்பிடம் :

குரோதி வருட பலன்கள் 2024-மீனம்

குரோதி வருட பலன்கள் 2024-மீனம்

குரு பகவானின் அருள் பெற்ற மீனராசி அன்பர்களே!! வரும் குரோதி வருடத்தில் துணிவை விட பணிவு தான் வெல்லும் என்பதை உணர்ந்து நடக்க வேண்டிய காலகட்டம். பணியிடத்தில் எதிர்பார்த்த மேன்மைகள் கைகூடும். பொறுப்புகளை தட்டிக் கழிக்காமல் ஏற்றுக்கொள்ளுங்கள்.எந்த சந்தர்ப்பத்திலும் எல்லாம் தெரியும் என நினைப்பதும், பிறரை மட்டும் தட்டும் பேச்சும் கூடவே கூடாது.

குரோதி வருட கிரகநிலைகள்

குரோதி வருட பலன்கள் 2024-மீனம்

வீட்டில் ஒற்றுமை உருவாகும். விசேஷங்கள் அணிவகுத்து வரும். வாழ்க்கைத் துணையால் பெருமை சேரும். குடும்பத்து பிரச்சினைகளை மூன்றாம் நபரிடம் பகிர்ந்து கொள்ள வேண்டாம். நீண்ட காலமாக விலகி இருந்த உறவுகள் உங்கள் மனம் புரிந்து திரும்பி வருவார்கள். அதனால் ஆதாயமும் ஏற்படும். வீடு, மனை தொடர்பான வழக்குகளில் விட்டு தருவதுதான் நல்லது.

செய்யும் தொழிலில் செழிப்பு நிச்சயம் ஏற்படும். வர்த்தக கடன்கள் தாமதமானாலும் நிச்சயம் கைகூடும். முதலீடுகளை முறையாக யோசித்து செய்தால் முடங்கி இருந்த நிலை மாறும். கொடுக்கல், வாங்கல் எதையும் முழு கவனத்தோடு நேரடியாக செய்யுங்கள். உடனுக்குடன் குறித்து வைத்துக் கொள்வது அவசியம்.

குரோதி வருட குரு பார்வை

குரோதி வருட பலன்கள் 2024-மீனம்

அரசு,அரசியல் துறையினருக்கு நாவடக்கமே நன்மை தரும். தன்னடக்கத்தோடு செயல்பட்டால் தலைமைக்கும் உங்களுக்கும் இடையில் இருந்த விரிசல் மறையும். சுயநலத்திற்காக சிலர் உங்களை தூண்டில் புழுவாக பயன்படுத்தலாம். முகஸ்துதியை உணர்ந்து ஒதுங்கினால் வில்லங்கத்தில் சிக்காமல் விலகலாம்.

கலை, படைப்பு துறையினருக்கு வாய்ப்புகள் வாசல் தேடி வரும். திறமைகள் பளிச்சிட வேண்டுமென்றால் திட்டமிட்ட உழைப்பு முக்கியம். பயண பாதையில் அறிமுகம் இல்லாதவர்கள் தரும் உணவு, பானத்தை தவிர்ப்பது அவசியம்.

காது, மூக்கு, தொண்டை அலர்ஜி, தலைவலி, அல்சர் உபாதைகள் வரலாம்.

பரிகாரம்

இந்த வருடம் முழுக்க பெருமாள், தாயார், அனுமனை வணங்குங்கள். பெருமைகள் சேரும்.

குரோதி வருட பலன்கள் 2024-கும்பம்

குரோதி வருட பலன்கள் 2024-கும்பம்

சனிபகவானை ஆட்சி வீடாகக் கொண்ட கும்ப ராசி அன்பர்களே! வரும் குரோதி வருடத்தில் பொறுமையை கையாண்டால் பெருமை பெறக்கூடிய வருடமாக இருக்கும். அலுவலகத்தில் உங்கள் திறமைக்கு உரிய ஏற்றம் கிடைக்கும். அதே சமயம் பிறர் குறைகள் எதையும் பெரிதுபடுத்தி பேசாமல் இருப்பது முக்கியம். இடமாற்றம் பதவி ,ஊதிய உயர்வுகளுக்கு முயற்சிகளுக்கு ஏற்ப பலன் கிடைக்கும். வேண்டாத சிலரோட வழிகாட்டல்கள் உங்களை திசை திருப்பி விடலாம். எதையும் ஒருமுறைக்கு இருமுறை யோசித்து செய்யுங்கள்.

குரோதி வருட கிரகநிலைகள்

குரோதி வருட பலன்கள் 2024-கும்பம்

எந்த பணியிலும் அவசரமும் அலட்சியமும் அறவே தவிருங்கள். குடும்பத்தில் சுமுகமான சூழல் நிலவும். கசந்த வார்த்தைகளை தவிர்த்தால், வசந்த காலமாக இருக்கும். தம்பதியர் இடையே மனம் விட்டு பேசுங்கள். வரவைத் திட்டமிட்டு செலவிடுங்கள். வீண் ஆடம்பரம் தவிருங்கள். குலதெய்வ வழிபாட்டை முறையாக செய்யுங்கள். முறையான மருத்துவ சிகிச்சை எடுத்துக் கொண்டால் குழந்தை பாக்கியம் கைகூடிவரும்.

செய்யும் தொழிலில் சலிக்காத உழைப்பு இருந்தால் லாபம் உயரும். பரம்பரை வர்த்தகத்தில் புதிய முதலீடுகளை யோசித்து செய்யுங்கள். சுயதொழில் செய்யும் வாய்ப்பு சிலருக்கு வரலாம். அயல் நாட்டு வர்த்தகத்தில் சீரான போக்கு நிலவும்.

குரோதி வருட குரு பார்வை

குரோதி வருட பலன்கள் 2024-கும்பம்

அரசியல், அரசு சார்ந்த திடீர் உயர்வுகளை பெற வாய்ப்பு உண்டு. சிலருக்கு பணி சார்ந்த பயணங்கள் அதிகரித்தாலும், அதனால் ஆதாயமும் அதிகரிக்கும். உடனிருந்து உபத்திரம் செய்யும் நபர்களை அடையாளம் கண்டு உடனடியாக விலக்குங்கள்.

கலை, படைப்பு துறையினருக்கு வளர்ச்சியும் ,மலர்ச்சியும் ஏற்படும். நம்பிக்கை துளிர்க்கும்போது முயற்சிகளில் சோம்பல் கூடாது.பயணங்களால் ஆதாயம் உண்டு. வழிப்பாதையில் உள்ள மகான்கள் திருத்தலத்தை தரிசிப்பது நன்மை தரும்.

நரம்புகள், படபடப்பு, ரத்த அழுத்த மாற்றம், மன அழுத்த உபாதைகளை உடனே கவனியுங்கள். தினமும் சிறிது நேரம் ஆவது உடற்பயிற்சி, மனப்பயிற்சி செய்யுங்கள்.

பரிகாரம்

வருடம் முழுக்க சிவன் பார்வதி ஆராதியுங்கள் வாழ்க்கை சிறக்கும்

குரோதி வருட பலன்கள் 2024-மகரம்

குரோதி வருட பலன்கள் 2024-மகரம்

சனிபகவானின் அருள் பெற்ற மகர ராசி அன்பர்களே!! வரும் குரோதி வருடத்தில் தன்னம்பிக்கையை வளர்த்துக் கொண்டால் தடைகள் தவிடு பொடியாக கூடிய காலகட்டம்.பணியிடத்தில் உங்கள் திறமை உரியவர்களால் உணரப்படும். உடன் இருப்பார் ஆதரவு மகிழ்ச்சி தரும். சிலருக்கு முதன் முறையாக வெளிநாட்டு பயணம் செல்லும் வாய்ப்பு வரும். அப்படி செல்லும் சமயத்தில் உரிய நடைமுறை சட்டங்களை கவனமாக கடைபிடியுங்கள். மேல் அதிகாரியிடம் பேசும் போது வீண் ரோஷம் தவிருங்கள். பெருமைகள் வரும் சமயத்தில் வீண் களியாட்டம் தவிருங்கள். நல்லவை தொடரும்.

குரோதி வருட கிரகநிலைகள்

குரோதி வருட பலன்கள் 2024-மகரம்

வீட்டில் நிம்மதி நிலவும். தம்பதியர் இடையே அன்யோன்யம் அதிகரிக்கும். குலதெய்வத்தை முறையாக வழிபட்டால் சுபகாரிய தடைகள் நீங்கும். பூமி, வாகனம் வாங்கும் சமயத்தில் பத்திரங்களை முழுமையாக ஆராயாமல் ஏற்றுக்கொள்ள வேண்டாம். பிற மொழி மனிதர்களால் ஆதாயம் உண்டு. வாரிசுகளால் வாழ்க்கையில் வசந்தம் வரும். பண வரவு அதிகரித்தாலும், செலவுகளும் சேர்ந்து வரும். அதை அசையும் அசையா சொத்தாக சேமிப்பது தான் புத்திசாலித்தனம் செய்யும்.

தொழிலில் முதலீடுகள் கூட திடீரென்று முடுக்கி விடப்பட்டு லாபம் தரத் தொடங்கும். ஏற்றுமதி, இறக்குமதி வர்த்தகம் செழிக்கும். இந்த சமயத்தில் சிலரோட சூழ்ச்சி உங்களை சட்டவிரோத சிக்கலை சந்திக்க வைக்கலாம், உரிய வரிகளை முறையாக செலுத்தி விடுவதும், அரசு வழி அனுமதிகளை தவறாமல் பெறுவதும் பிரச்சனை வலையில் நீங்கள் சிக்காமல் இருக்க உதவும்.

குரோதி வருட குரு பார்வை

குரோதி வருட பலன்கள் 2024-மகரம்

அரசு, அரசியல் சார்ந்தவர்கள் புதிய பாதையில் புத்துணர்வோடு நடக்க சந்தர்ப்பம் தேடிவரும். மேல் இடத்தை கேலி செய்யும் வார்த்தைகளை விளையாட்டாக சொன்னாலும் விபரீதம் விளைந்து விடும். பேச்சில் கவனமாக இருங்கள் தேவையில்லாத சமயங்களில் அமைதியே நல்லது. உணர்ந்து அடக்கமாக இருங்கள். பதவி வரும்போது பணிவும் வந்து விட்டால் பல்லாண்டு நிலைக்கும்.

கலை படைப்பு துறையினருக்கு வாய்ப்புகள் வரும். அவை புறம் பேசும் சிலரோட சூழ்ச்சியால் தடைபடவும் வாய்ப்பு உண்டு, கவனமாக இருங்கள். தொலைதூர பயணத்தில் புதிய நட்புகளிடம் நெருக்கம் தவிருங்கள். உடல் நலத்தில் அக்கறை உள்ளவர்கள் தேவையற்ற டென்ஷனை தவிருங்கள். கழுத்து, தோள்பட்டை, மூட்டு, முதுகு, தண்டுவடம், மன அழுத்த உபாதைகள் வரலாம்.

பரிகாரம்

இந்த வருடம் முழுக்க விநாயகரை வணங்குங்கள் உங்கள் வாழ்க்கை வசந்தமாக இருக்கும்.

குரோதி வருட பலன்கள் 2024-தனுசு

குரோதி வருட பலன்கள் 2024-தனுசு

குரு பகவானின் அருள் பெற்ற தனுசு ராசி அன்பர்களே!! பொறுப்பு உணர்வுடன் செயல்பட்டால் விறுவிறுப்பாக முன்னேறக்கூடிய ஆண்டாக இந்த வருடம் உங்களுக்கு அமையும். அலுவலகத்தில் அனுகூலக்காற்று வீச தொடங்கும். அது தொடர வேண்டுமென்றால் முழுமையான திட்டமிடலும் நேரம் தவறாமையும் அவசியம். ஏற்றம் என்பதே ஏக்கமாக இருந்த நிலை மாறும். சிலருக்கு அலுவலகப் பணியாக வெளிநாடு செல்லும் வாய்ப்பு வரும். யாருடைய தனிப்பட்ட விஷயத்திலும் மூக்கை நுழைப்பதோ, உங்கள் விஷயத்தில் பிறரை அனுமதிப்பதோ வேண்டாம். கோப்புகளை கையாள்வதிலும் பணத்தை கையாள்வதிலும் கவனம் முக்கியம்.

குரோதி வருட கிரகநிலைகள்

குரோதி வருட பலன்கள் 2024-விருச்சிகம்

இல்லத்தில் உங்கள் வாக்கு செல்வாக்கு பெறும்.குலதெய்வத்தை மனதார கும்பிட்டால் தடைபட்ட விசேஷங்கள் தடை நீங்கி கைகூடும். குடும்பத்து பெரியவர்கள் உடல்நலத்தில் கவனம் செலுத்த வேண்டும். வாரிசுகளுக்கும் உங்களுக்கும் இடையே இருந்த இடைவெளி மறையும். வாழ்க்கைத் துணையால் வசந்தம் வரும். சிலருக்கு பிரிந்திருந்த நிலை மாறி சேரும் சந்தர்ப்பம் அமையும்.

வீடு, மனை ,வாகனம் வாங்கும் சமயத்தில் பத்திரங்களில் கவனமாக இருங்கள். பொது இடத்தில் குடும்ப விஷயங்கள் எதையும் பேச வேண்டாம். செய்யும் தொழிலில் வளர்ச்சி நிலை உருவாகும். அது நிலைக்க தளர்ச்சி இல்லாத உழைப்பு முக்கியம். அயல்நாட்டு வர்த்தகத்தில் புதிய முதலீடுகள் லாபம் தரும். கூட்டுத் தொழிலில் வீண் சந்தேகம் வேண்டாம். பங்கு வர்த்தகத்தில் அனுபவம் இல்லாமல் இறங்க வேண்டாம். தொழில் சார்ந்த வழக்குகள் உங்களுக்கு சாதகமாக தீர்வாகும்.

குரோதி வருட குரு பார்வை

குரோதி வருட பலன்கள் 2024-விருச்சிகம்

அரசு, அரசியல் சார்ந்தவர்களுக்கு திடீர் பொறுப்பு பதவி கிடைக்க வாய்ப்பு உண்டு. அதே சமயம் சலிக்காத செயல்களும் கவனமாக இருப்பது முக்கியம். மேலிடத்தின் ஆதரவு கிடைக்கும் போது உங்களுக்கு கீழான யாரையும் பழிவாங்க நினைக்க வேண்டாம். கூடா நட்பு கேடாக முடியும், சஞ்சலமும் சபலமும் சற்று எட்டிப் பார்க்காம கவனமாக தவிருங்கள்.

கலை படைப்பு துறையினருக்கு திறமைக்கு ஏற்ப வாய்ப்புகள் ஒவ்வொன்றாக வரும். பெருமை, புகழ், அந்தஸ்து வரும் சமயத்தில் தீய சவகாசம் தீயாக சுடும் உடனே விலகிடுவது நல்லது.

வாகனத்தில் சிறு பழுது இருந்தாலும் உடனே சரி செய்து விடுங்கள். இரவில் தொலைதூரம் தனியே செல்வதை தவிருங்கள். உணவுப் பழக்கத்தில் கவனம் செலுத்துங்கள். வறுத்த பொறித்த உணவுகளை இயன்றவரை தவிருங்கள்.

வயிறு, கழிவு உறுப்பு, ரத்த நாளம், நரம்பு உபாதைகள் வரலாம்.

பரிகாரம்

இந்த வருட முழுக்க நரசிம்மரை வழிபட்டு வாருங்கள். உங்களுக்கு வரும் இன்னல்கள் அனைத்தும் தூள் தூளாகிவிடும்.

குரோதி வருட பலன்கள் 2024-விருச்சிகம்

குரோதி வருட பலன்கள் 2024-விருச்சிகம்

செவ்வாய் ஆட்சி வீடாகக் கொண்ட விருச்சக ராசி அன்பர்களே!! வரும் குரோதி வருடம் உங்களுக்கு நன்மைகள் அதிகரிக்கக்கூடிய வருடமாக இருக்கும். அலுவலகத்தில் இதுவரைக்கும்ஏக்கமும், எதிர்பார்ப்புமாக இருந்த பதவி ஊதிய உயர்வுகள் நிச்சயம் கை கூடிவரும். உயரதிகாரிகள் ஆதரவும் உடன் இருப்பவர் ஒத்துழைப்பும் கிடைக்கும். இந்த சமயத்தில் எல்லாம் தெரியும் என்கின்ற ஆணவம் எந்த சமயத்திலும் தலை தூக்காமல் பார்த்துக் கொள்ளுங்கள்.

குரோதி வருட கிரகநிலைகள்

குரோதி வருட பலன்கள் 2024-விருச்சிகம்

வேலை தேடுவோருக்கு நீண்ட நாள் கனவாக இருந்த வேலைவாய்ப்பு இப்போது திறமைக்கு ஏற்ப கைகூடி மகிழ்ச்சி தரும். எந்த சமயத்திலும் நேர்மை தான் உங்களை நிமிர்ந்து நடக்கச் செய்யும். வீட்டில் விசேஷங்கள் அணிவகுத்து வர தொடங்கும். விருந்தினர் வருகையும் அதனால் சந்தோஷமும் அதிகரிக்கும். இளம் வயதினர் பெற்றோர், பெரியோரோடு மனம் விட்டு பேசுங்கள். வீடு, மனை, வாகனம் வாங்க சந்தர்ப்பம் உண்டு. பூர்வீக சொத்தில் விட்டுக்கொடுத்து போனால் நன்மைகள் அதிகரிக்கும்.

வாரிசுகள் வாழ்க்கையில் சுபகாரிய தடைகள் நீங்கும். கடன்கள் பைசல் ஆகும் அளவுக்கு வருமானம் சீராகும். சினமும், சீற்றமும் தவிர்த்தால் நன்மைகளை அதிகம் பெறலாம். புரிந்து நடந்து கொள்ளுங்கள்.

செய்யும் தொழில் படிப்படியாக வளர்ச்சி பெறும். பரம்பரை தொழிலில் ஆதாயம் அதிகரிக்கும். பலகாலமாக தடைபட்ட வங்கி கடன்கள் மளமளவென கிடைக்கும். வரவே வராது என்று நினைத்திருந்த கடன்கள் திரும்ப கிடைப்பது சந்தோஷம் தரும். அயல்நாட்டு வர்த்தகம் எதையும் உரிய அனுமதி பெற்று செய்யுங்கள்.

குரோதி வருட குரு பார்வை

குரோதி வருட பலன்கள் 2024-விருச்சிகம்

அரசு, அரசியல் சார்ந்தவர்கள் மேலிடத்தின் ஆதரவை பெரும் சந்தர்ப்பம் அமையும். புறம், பேசும் நபர்களையும் முகஸ்துதி பாடுபவர்களையும் புறக்கணிப்பது உங்கள் புகழையும் பெருமையும் நிலைக்க வைக்கும். பொது இடங்களில் மேலிடத்தின் அனுமதி இல்லாமல் திட்டங்கள் எதையும் அறிவிக்கவோ, செயல்படுத்தவோ வேண்டாம்.

கலை, படைப்பு துறையினருக்கு திறமைக்கு உரிய முன்னேற்றம் ஏற்படும். உழைக்க தயாராக இருப்பவர்களுக்கு உள்ளூரில் மட்டுமல்ல வெளியூர், வெளிநாடுகளிலும் பெருமை கிடைக்கும். பயணத்தில் வேகமும் வித்தைக் காட்டலும் கூடவே கூடாது. தொலைதூரப் பயணம் எதையும் தொடங்கும் வழிப்பாதை விநாயகரை வணங்கி விட்டு செல்வது அதிக நன்மை தரும்.

தலைவலி, தூக்கமின்மை, அஜீரணம், அடிவயிறு உபாதைகள் வரலாம். மாதாந்திர உபாதைகளில் அலட்சியம் வேண்டாம்.

பரிகாரம்

இந்த ஆண்டு முழுக்க பழனி ராஜ அலங்கார முருகனை ஆராதியுங்கள் உங்கள் வாழ்க்கை இனிமையாக இருக்கும்

குரோதி வருட பலன்கள் 2024-துலாம்

குரோதி வருட பலன்கள் 2024-துலாம்

சுக்கிரனை ஆட்சி வீடாகக் கொண்ட துலாம் ராசி அன்பர்களே! நிதானமும் நேரடி கவனமும் அவசியம் தேவைப்படும் வருடம். பணி செய்யும் இடத்தில் பொறுப்புகள் அதிகரிக்கலாம். புலம்பாமல் ஏற்று செய்வது தான் புத்திசாலித்தனம். உழைக்க தயங்காமல் இருந்தால் உங்கள் திறமைக்கு உரிய ஏற்றமும் மாற்றமும் ஏற்படும். மேலதிகாரிகளின் ஆதரவு கரம் நீளும். வீண் பழி சுமந்த நிலை மாறும். மாற்றம் எதையும் மகிழ்வோடு ஏற்றுக் கொண்டால் அலுவலகத்தில் அனுகூலம் அதிகரிக்கும்.

உங்கள் வாழ்க்கையில் வசந்த காலம் வருடத்தின் ஆரம்பத்தில் தொடங்கி விடும். குத்தல், குதர்க்கல் தவித்தால் குதூகலம் நிலைக்கும். உறவுகள் சேர்க்கையும் அதனால் ஆதாயமும் ஏற்படும். வரவு சீராகும். வாரிசுகளால் பெருமை சேரும். சுபகாரிய தடைகள் சீக்கிரமே விலகும். வீடு, வாகனம் மாற்றப் புதுப்பிக்க நேரம் அமையும். குடும்பத்தில் பெரியவர்களின் வார்த்தைகளுக்கு மதிப்பு கொடுங்கள்.

குரோதி வருட கிரகநிலைகள்

குரோதி வருட பலன்கள் 2024-துலாம்

சுப காரியங்களில் ஆடம்பரத்தை தவிருங்கள். எந்த சமயத்திலும் உங்கள் வார்த்தைதான் உங்கள் வாழ்க்கையில் இனிமை சேர்க்கும் மறந்து விடாதீர்கள். செய்யும் தொழிலில் சீரான வளர்ச்சி ஏற்படும். நேரான கவனமும் நேர்மையான செயல்களும் இருந்தால் லாபம் நிலைக்கும். பிற மொழி மனிதர்களை நம்பி தெரியாத தொழிலில் இறங்க வேண்டாம்.

குரோதி வருட குரு பார்வை

குரோதி வருட பலன்கள் 2024-துலாம்

அரசு, அரசியல் துறை சார்ந்தவர்கள் உடன் இருப்பவரை அரவணைத்து அன்பு காட்டினால் உங்கள் உயர்வுகள் உத்தரவாதமாக இருக்கும். கோப்புகளில் கையெழுத்திடும்போது கவனமாக இருங்கள். பொது இடத்தில் வாக்குறுதிகள் ஏதும் தருவதற்கு முன் யோசித்து செயல்படுங்கள்.

குரோதி வருட பலன்கள் 2024-துலாம்

கலை ,படைப்பு துறையினருக்கு திறமைக்கு உரிய வாய்ப்புகள் நிச்சயம் கிடைக்கும். உங்கள் படைப்புகள் சார்ந்த ரகசியங்களை யாரிடமும் பகிர்ந்து கொள்ள வேண்டாம். உடல் நலத்தில் அடிவயிறு, பாதம், கழிவு உறுப்பு உபாதைகள் வரலாம். கர்ப்பிணி பெண்கள் தொடர் சிகிச்சையில் கவனமாக இருங்கள்.

பரிகாரம்

இந்த வருடம் முழுக்க உங்களுக்கு பிடித்த அம்மனை தரிசித்து வாருங்கள் வாழ்க்கை வசந்தமாக இருக்கும்

குரோதி வருட பலன்கள் 2024-கன்னி

குரோதி வருட பலன்கள் 2024-கன்னி

புதன் பகவானின் அருள் பெற்ற கன்னி ராசி அன்பர்களே!! வரும் குரோதி வருடத்தில் உங்களுக்கு எத்தகைய பலன்கள் கிடைக்கும் என்பதை இப்பதிவில் பார்க்கலாம். கன்னி ராசியின் அதிபதி புதன். உங்கள் ஏழாம் இடத்தில் புதன் நீசம் பெற்று வக்கிரம் பெற்றுள்ளார். எனவே ‘நீசபங்க ராஜயோகம்’ பெறுகிறார். இந்த வருடம் பெரிய சந்தேகத்தோடு நல்லவை எல்லாம் நடக்குமா? என வருந்தும்போது நல்லென நடக்கும்.

ராசியில் அமர்ந்துள்ள கேது தொட்டதற்கெல்லாம் சந்தேகம் தருவார். இந்த சந்தேகம் கொடுக்கும் பயத்தை ராசி அதிபதி நீக்கி வருவதோடு மட்டுமல்ல, நன்மையும் தருவார். இந்த வருடம் உங்களுக்கு திருமணம் நடந்தால் அதன் மூலம் பெரும் செல்வம் சேரும். வியாபாரத்தில் நல்ல அதிர்ஷ்டம் ஏற்பட்டு வரவு அதிகரிக்கும். வெளிநாட்டுப் பயணம், வர்த்தகம் இவை யாவும் மிக மேன்மை தரும்.

குரோதி வருட கிரகநிலைகள்

குரோதி வருட பலன்கள் 2024-சிம்மம்

உங்களது இளைய சகோதரருக்கு நல்ல வேலை கிடைக்கும். அதிக வேலைப்பளுவாள் அவர் அவதிப்படுவார்.உங்கள் நிறுவனத்துக்கு நல்ல வேலையாட்கள் கிடைப்பார்கள். உங்களின் பூர்வீக நிலத்தை விவசாய குத்தகைக்கு விட நல்ல ஆள் கிடைப்பார். இந்த வருடம் உங்கள் வீட்டை புதுப்பிப்பீர்கள். உங்கள் வீடு, மனை, வாகனம் இவைகள் உங்களுக்கு முதலில் ஒரு இறக்கத்தை கொடுத்துவிட்டு பின் ஏற்றத்தை தரும்.

காதல் விஷயங்கள் உங்களை ரத்தக் களரியாக்கும், பங்கு வர்த்தகம் மிக நஷ்டம் தரும், கலைஞர்கள் தொழில் மேன்மை பெற்றாலும் மறைமுக எதிரிகளால் இன்னல்கள் அனுபவிப்பர். கன்னி ராசியினர் வாரிசு மற்றும் கலை சம்பந்தமாக காவல்துறையிடம் சந்திப்பு நிகழ்த்த வேண்டி இருக்கும்.

கன்னி ராசியினர் ஒரு விபத்தை எதிர்கொள்வர். வாகனங்களில் செல்லும்போது கவனம் தேவை. உங்களை பயமுறுத்துவதற்காக கூறவில்லை சற்று எச்சரிக்கையுடன் நடந்து கொள்ளுங்கள். மேலும் இளம் வயது வேலைக்காரர்கள் உங்கள் கோபத்தை குறைத்து கொள்ளுங்கள்.

குரோதி வருட குரு பார்வை

குரோதி வருட பலன்கள் 2024-கன்னி

இந்த வருடம் கன்னி ராசிக்கு வியப்பான அனுகூலம் தென்படுகிறது. ஒன்று பனிரெண்டாம் அதிபதி சூரியன் எட்டில் நின்று விபரீத ராஜயோகம் பெறுகிறார். இன்னொன்று எட்டாம் அதிபதி செவ்வாய், ஆறில் மறைந்து அவரும் விபரீத ராஜயோகம் பெறுகிறார். ‘கெட்டவன் கெட்டவன் கிட்டிடும் ராஜயோகம்’ என்னும் அமைப்பில் இரு யோகம் கிடைக்கிறது. எனவே இந்த கன்னி ராசியினர் எத்தகைய சிக்கல் வந்தாலும் அத்தனையிலிருந்து தப்பி விடுவர்.

விரையாதிபதி சூரியன் உச்சம் எனில் அதிக செலவு உண்டு. ஆனால் அவர் எட்டாம் வீட்டில் மறைந்து விபரீத ராஜயோகம் பெறுகிறார். எனவே உங்கள் செலவு அலைச்சல் என அனைத்தும் உங்களுக்கு வெற்றியை தேடி தரும். நீங்கள் எவ்வளவு செலவு செய்கிறீர்களோ அத்தனை அளவு வெற்றி உங்களுக்கு கிடைக்கும் என்பது உறுதி.

பரிகாரம்

திருக்கோஷ்டியூர் சென்று வணங்கவும்.

செவ்வாய்+சனி சேர்க்கைக்கு புதன்கிழமை வில்வமாலை, தயிர்சாதம் அகல் விளக்கில் 23 மிளகை பச்சை நிற துணியில் மூட்டை கட்டி தாமரை தண்டு திரியில் தீபம் பைரவருக்கு ஏற்றவும்.குரோதி வருட பலன்கள் 2024-சிம்மம்

குரோதி வருட பலன்கள் 2024-சிம்மம்

குரோதி வருட பலன்கள் 2024-சிம்மம்

சிம்ம ராசியின் அதிபதி சூரியன் அவர் ஒன்பதாம் இடத்தில் உச்சத்தன்மையுடன் ஜொலிக்கிறார். கூடவே குருபகவானும் உள்ளார். இந்த வருட கிரக நிலைப்படி சிம்ம ராசியினரின் பணம் அத்தனையும் எங்காவது லாக் ஆகிவிடும். அல்லது பணத்தை வாங்கியவர்களால் திருப்பித் தர இயலாமல் போய்விடும். வெளிநாட்டில் ஒளித்து வைத்த பணம் திரும்ப உங்கள் கைக்கு வர தடுமாறும். பணத்தைக் கைக்கு கொண்டு வரும் முயற்சிகள் கடும் தோல்வியடையும். பணம் மிக பத்திரமாக, மறைவாக இருக்கும். ஆனால் அனுபவிக்க முடியாது.

குரோதி வருட கிரகநிலைகள்

குரோதி வருட பலன்கள் 2024-சிம்மம்

உங்கள் இளைய சகோதரியின் காதல் விஷயம் வெளியே வந்து களேபரம் ஆகிவிடும்.அல்லது உங்கள் இளைய சகோதரி அரசியலில் நுழைய அது உங்களுக்கு மகா எரிச்சலை தரும். குத்தகை எடுத்தவர்கள் தொகை தராமல் ஏமாற்றுவர். உங்கள் பணியாளர்கள் நிறைய பொய் சொல்வதோடு வேலையில் சுணக்கம் காட்டுவர். உங்கள் கைபேசி தரும் தகவல் மூலம் உங்கள் வங்கி கணக்கு பணம் வழித்தெடுக்கப்படும் .

சிம்ம ராசியின் எட்டாம் இடத்தில் இருக்கும் கிரகங்கள் சிம்ம ராசியினரை கும்மி எடுக்கும். வீடு, வாகன மாற்றம் உண்டு. உங்கள் சொந்த வீட்டை பழுது பார்க்கும் நிலை ஏற்பட்டு அதுவரை வாடகை வீட்டில் தங்கலாம் அல்லது இப்போது இருப்பதை விட வசதியான வீட்டிற்கு மாறுவீர்கள். சிலர் வாழ்க்கைத் துணையின் வேலையின் பொருட்டு வீடு மாற்றம் ஏற்படும்.

இப்போது பிரசவம் ஆகும் பெண்களில் சிலருக்கு அறுவை சிகிச்சை மூலம் குழந்தை பிறக்கும். இந்த தமிழ் புது வருடத்தில் எட்டாம் இடத்தில் ராகுவும், ஏழாம் இடத்தில் சனியும் இருந்து பெரிய இக்கட்டுகளை கொடுக்க முற்படும்போது உங்கள் வாரிசுகள் அரணாக இருந்து காப்பாற்றுவார்.

குரோதி வருட பலன்கள் 2024-சிம்மம்

சிறுநீர் பிரச்சனை, மூத்திரக்கல் தோன்றுவது என வலி வரும் இதனால் அடிவயிற்றில் வலி எடுக்கும். உங்களில் நிறைய சிம்ம ராசியினர் அரசு வேலைக்கு செல்ல இயலும். சிலர் ஆசிரியர் வேலைக்கு செல்வர். சிலர் கணக்கு எழுதும் அக்கவுண்ட்ஸ் துறையில் சேர்ந்து விடுவர். உங்கள் எதிரிகள் பம்மி இருட்டிலிருந்து கல் எறிவர், எதிரிகளை இனங்கான இயலாமல் தவிப்பீர்கள்.வழக்குகள் கிணற்றில் போட்ட கல் மாறி இருக்கும்.

உங்கள் பெற்றோர் சம்பந்தத்துடன் ஒன்று விருப்ப திருமணம் அல்லது கலப்பு மனம் என ஒன்று நடக்கும். இப்போது தொடங்கும் வியாபாரத்தில் உங்கள் பெற்றோரே பங்குதாரர் ஆகிவிடுவர். இந்த வருடம் உங்களுக்கு நிறைய செலவாகும் ஆனால் முக்காவாசி செலவுக்கு கணக்கே எழுத முடியாது எல்லாம் மறைமுக செலவாக இருக்கும்.

குரோதி வருட குரு பார்வை

குரோதி வருட பலன்கள் 2024-சிம்மம்

பரிகாரம்

சூரியனார் கோவில் சென்று தரிசனம் செய்து வணங்கவும். சூரியன் எதிரில் குரு இருப்பார் அவரையும் நன்கு சேவித்து கொள்ளவும்.

சனி+செவ்வாய் சேர்க்கைக்கு ஞாயிற்றுக்கிழமை பன்னீர் பூ மாலை மற்றும் அகல் விளக்கில் புங்கம் எண்ணெயில் 19 மிளகை மூட்டை கட்டி சிகப்பு நிறத்தில் கொண்டு தீபம் ஏற்றவும்.

இந்த வருடம் உங்களுக்கு நாட்களை தள்ளுவதே பெரும்பாடாக இருக்கும். இதில் பிறருக்கு என்ன உதவி செய்ய இயலும். வார்த்தைகளால் பிறரை நோகடிக்காதீர்கள் அதுவே பரிகாரம்.!!