ராகு பகவான் எந்த வீட்டில் இருந்தால் என்ன பலன்கள்

ராகு பகவான் எந்த வீட்டில் இருந்தால் என்ன பலன்கள்  

ராகுவும் கேதுவும்(Rahu-Kethu) பாவ கிரகங்கள் இவ்விரு கிரகங்களும் ராசி மண்டலத்தின் தனி வீடுகள் இல்லை. ஆனால் உச்ச வீடு, ஆட்சி வீடு ,பகை வீடு, சம வீடு, நட்பு வீடு ஆகிய அமைப்புகள் மட்டும் உண்டு.

லக்கனத்தில் ராகு 

•  ஒருவர் ஜாதகத்தில் முதல் பாதத்தில் ராகு(Rahu) கிரகம் அமையப் பெற்றவர்,
• சரிவர ஆடைகளை அணிய மாட்டார்,
• குரூர புத்தி, என்றும் சிறுமையான மனம் உள்ளவராகவும்,  கடுமையான சொற்கள் கூறுபவராகவும், விபரீத எண்ணங்கள் கொண்டவர் இருப்பார்.
• இவருக்கு பற்கள் முன்னே நீட்டியபடி அழகற்று இருக்கும்,
• வயிற்றுக் கோளாறுகள் ஏற்பட வாய்ப்பு உண்டு,
• பிறர் உள்ளத்தை எளிதில் புரிந்து கொள்ளும் ஆற்றல் மிகுந்தவர்,
• குடும்பத்தில் அமைதி இன்மையாலும் தகுந்த வருமானம்இல்லததாலும் எப்போதும் சண்டை சச்சரவு ஏற்படும்,

•  இரண்டாம் பாவத்தில் ராகு(Rahu) கிரகம் அமையப் பெற்றவர்
• மிகுதியாக பொய் பேசுவார்,
• பிறரைப் பற்றி எப்போதும் கோள்மூட்டி கொண்டிருப்பார்,
• இவருக்கு கல்வியில் போதிய ஈடுபாடு இராது,
• குடும்பத்தில் எப்போதும் சண்டை சச்சரவு ஏற்படும்,
• போதிய வருமானம் இல்லாமல் வறுமை ஏற்படும் அதனால் வாக்கில் நாணயம் தவறும் கடன் தொல்லைகள் மனதிற்கு துன்பத்தை தரும்,

•  மூன்றாம் பாவத்தில் ராகு(Rahu) கிரகம் அமையப் பெற்றவர்கள்
• குறித்த நேரத்தில் சாப்பிட முடியாது ,
• குறுகிய மனப்பான்மையினால் உடன்பிறந்தார் உடன் அக்கம் பக்கத்தில் இருப்பவரிடம் சண்டை ஏற்படும்,
• பார்வைக்கு இவர் எளியவர் போன்று  தோன்றுவார்,
• ஆனால் இவரிடம் ரகசியமாக பண சேமிப்பு இருக்கும்,

•  நான்காம் பாவத்தில் ராகு(Rahu) கிரகம் அமையப் பெற்றவர்
• செல்வ வளம் அற்ற குடும்பத்தில் பிறப்பார்,
• வாழ்க்கை முழுவதும் வறுமை ,பிணி ஆகியவற்றை எதிர்த்துப் போரிட நேரிடும்,
• தொடர்ந்து ஒரு வேலையில் இருப்பது அரிது,
• இந்த நான்காம் பாவத்தை சுபகிரகங்கள் பார்த்தால் ஓரளவு நன்மைகள் உண்டு,
• இந்த நான்காம் பாவத்தை தீய கிரகங்கள் பார்த்தால் மேலும் துன்பம் நேரும்,

•  ஐந்தாம் பாவத்தில் ராகு(Rahu) கிரகம் அமையப் பெற்றவர்
• வயிற்றில் ஏதாவது ஒரு நோய் இருக்கும் ,
• மூக்கால் பேசுவது போல பேசுவார்,
• போதிய வருமானம் கிட்டாது பல பெண் குழந்தைகளை பெறுவார்,
• குழந்தை பிறந்து  இறந்துவிட வாய்ப்பு உண்டு,
• வெளி நாட்டுக்கு பயணம் செல்லும் வாய்ப்பு கிட்டலாம்,

• ஆறாம் பாவத்தில் ராகு(Rahu) கிரகம் அமையப் பெற்றவர்
• எப்போதும் பெண்களிடமும் உறவினர்களிடமும் சண்டையிடுக் கொண்டு இருப்பார்,
• வறுமை, கடன் தொல்லை, உடலில் ஆயுதங்களால் காயம் ஏற்படல், பெண்களால் இழப்பு, துன்பம் ஆகியன ஏற்படாமல் விழிப்பாய் இருக்க வேண்டும்.

• ஏழில் ராகு(Rahu)  அமையப்பெற்றவர்
• பெண்களை கண்டால் எரிச்சல் ஏற்படும் அதனால் மனைவியிடம் சுமூகமான உறவு இராது,
• இவர் பெண்களை விரும்பமாட்டார்,
• பெண்களும் இவரை விரும்பமாட்டார்,

•  எட்டாம் பாவத்தில் ராகு(Rahu) கிரகம் அமையப் பெற்று இருந்தால்,
• இதய நோய் ஏற்படலாம்,
• வறுமையினால் துன்பம் உண்டாகும்,
• போதிய வருமானம் இல்லாமல் வீண் சண்டை ஏற்படும்,
• மனமயக்கம், எதிரிகளின் மிரட்டல் ஆகியவற்றால் எப்போதும் மனப்போராட்டம் ஏற்படும்,

•  ஒன்பதாம் பாவத்தில் ராகு(Rahu) கிரகம் அமையப் பெற்றவர்
• ஏதாவது கடைநிலை அரசாங்க பதவியில் இருப்பார்,
• இவர் தந்தையின் மரணம்  சந்தேகம் ஏற்படும்படி இருக்கும்,
• இவர் தம் மனைவிக்கு அடங்கி நடப்பார்,
• மதப்பற்று இல்லாதவராய் இருப்பார் ,
• இவர் நடுத்தர வருமானத்தோடு வாழ்வார்,
• ஊர்மக்கள் உதவியால் வாழ்பவராக இருப்பார்,
• உறவினர்கள் விரோதியா இருப்பார்,

• பத்தாம் பாவத்தில் ராகு(Rahu) கிரகம் இருக்கப்பெற்றவர்
• தொலைதூர நாடுகளில் சென்று வேலை செய்து பிழைப்பார்,
• பணவசதி கிட்டும்,
• சுக போக வாழ்க்கையில் ஈடுபடுவார்,
• மனைவி மக்களிடம் பிரியம் உள்ளவர்,
• அடிக்கடி பயணங்கள் செல்லக் கூடியவர்,

•  பதினோராம் பாவத்தில் ராகு(Rahu) கிரகம் இருக்கப்பெற்றவர் ,
• கல்வியினால் புகழ் பெறுவார்
• காது நோய்களினால் அவதிப்படுவார்
• கடமைகளை சரியாக செய்து உடமைகளை ஏராளமாக சேர்ப்பார் ,
• இனிமையாக பழகும் இவருக்கு  நண்பர்கள் பலர் ஏற்படுவர், அவர்களால் இவர் செல்வம் சேர்ப்பார்,

•  பன்னிரெண்டாம் பாவத்தில் ராகு(Rahu) கிரகம் இருக்கப் பெற்றவருக்கு
• பெண்  குழந்தைகள் பிறக்க வாய்ப்பு உண்டு ,
• சுமாரான அழகுள்ளவர்,
• எந்த சுகத்தையும் முழுமையாக அனுபவிக்க முடியாது,தொல்லை ஏற்படும்,
• இவர் மனைவி மீது அவ்வளவு அன்பு கொள்ள மாட்டார்.