மாந்தி தோஷம் விலகும் ஜாதக அமைப்புகள்:
- “குரு பார்க்க கோடி நன்மை” வலுவாக குரு இருந்து, குருவின் பார்வை இருப்பின் மாந்தியின் கெடு பலன்கள் குறையும்.
- குரு பகவான் திரிகோணத்தில் வலுவாக இருந்தால் மாந்தியின் தோஷம் விலகும்.
- குருவும் சுக்கிரனும் இணைந்து கேந்திரங்களில் இருந்தாலும் தோஷம் விலகும்.
- 1,4,7,10-ல் சுப கிரகங்களும், பாவ கிரகங்கள் 3, 6 ,11ல் இருந்தால் மாந்தியினால் கெடுதல் நேராது.
- சந்திரன் சுபராகி (சுக்ல பக்ஷம்) புதனுடன் பாபிகளுடன் சேராமல் இருவரும் பரஸ்பர பார்வையுடன் இருந்து, அம்ச லக்னத்தில் சுபரும் இருந்தால் இந்த தோஷம் இருக்காது.
- ஒரு ஜாதகம் யோக ஜாதகமாக இருந்து, தசாபுத்திகளும் யோக தசையாக இருந்தால் நற்பலன்களே கிடைக்கும்.
- ஒரு ஜாதகர் பிறந்த தினத்திற்கு உரிய கிரகமும், சந்திரனும் வலுவாக அமைந்து லக்னத்தில் சுபர் இருப்பின் மாந்தி தரும் தோஷம் விலகும்.
- சந்திரன் சுபராகி கேந்திரத்தில் குரு இருந்தாலும் இந்த தோஷம் விலகும்.
- நவாம்சத்தை கணக்கில் எடுக்காமல் பலர் பலன் கூறுகிறார்கள். நவாம்ச லக்னத்திலிருந்து குரு சுக்கிரன் புதன் இணைந்து பூர்வ புண்ணிய ஸ்தானமான 5-ஆம் இடத்திலோ 9ம் இடத்திலோ இருந்தாலும் இந்த ஃதோஷம் விலகும்.
- நவாம்சத்தில் புதன் நின்ற ராசியிலிருந்து சுக்கிரன் பதினோராம் இடத்தில் இருந்தாலும் இந்த தோஷம் விலகும்.
- இதேபோல் நவாம்சத்தில் புதன் நின்ற ராசியிலிருந்து சந்திரன் 11-ல் அமைந்தாலும், மாந்தியின் கெடுதல் மாறி நற்பலன்கள் தரும்.
- மேலும் நவாம்சத்தில் குரு நின்ற இடத்தில் இருந்து 11ல் சுக்கிரன் இருந்தாலும் கெடுபலன்கள் மறையும்.
- இது தவிர அஷ்டவர்க்கத்தில் 6 மற்றும் 12ம் பாவங்களை தவிர இதர பாவங்களின் பரல்கள் உயர்ந்து இருப்பவர்களுக்கும் 3,4,7 பாவபரல்கள் உத்தம நிலையில் இருப்பவர்களுக்கும் மாந்தி கெடுதல் செய்யாது.
- மேலும் யாரொருவர் மூதாதையர்களுக்கு சிரத்தையுடன், சிராத்தம் மற்றும் குடும்ப வழக்கப்படி வழிபாடுகள் செய்து வருகிறார்களோ, அவர்களுக்கும் மாந்தி தரும் தோஷம் விலகும்.
