ரிஷப லக்னமும்-சூரியனும்

ரிஷப லக்னமும்-சூரியனும்

ரிஷப லக்னத்தில் பிறந்தவர்கள் வசீகரமான தோற்றத்தை கொண்டிருப்பார்கள். அழகான ஆடைகளை அணிவார்கள். உடல்நலம் நன்றாக இருக்கும்.அறிவாளியாகவும் தைரியசாலியாகவும் இருப்பார்கள். நல்ல பணவசதி உள்ளவர்கள்.

ரிஷப லக்னத்தில்-சூரியன் இருந்தால்

• தாயாரின் உடல்நலம் நன்றாக இருக்கும்.
• பூமி, வாகனம் இருக்கும்.
• சூரியனின் பார்வை 7ம் பாவத்திற்கு இருப்பதால் வர்த்தகம் நன்கு நடக்கும்.
• வியாபாரத்தில் வெற்றி கிடைக்கும். மனைவியால் மகிழ்ச்சி கிடைக்கும்.

ரிஷபத்திற்கு 2-ம் பாவத்தில்-மிதுனத்தில் சூரியன்

• சூரிய பகவான் தன் நண்பரான புதன் வீட்டில் இருந்தால் நல்ல பணவரவு, சொத்து இருக்கும்.
• குடும்பத்தில் மகிழ்ச்சி நிலவும்.
• அன்னைக்கு உடல்நல பாதிப்பு உண்டாகும்.
• சூரியன் எட்டாம் பாவத்தை பார்ப்பதால் பூர்வீக சொத்து கிடைப்பதற்கு வாய்ப்பு இருக்கிறது.
• வர்த்தகம் நன்றாக நடக்கும்

ரிஷபத்திற்கு 3-ம் பாவத்தில்-கடகத்தில் சூரியன்

• சூரியன்,சந்திரனின் கடக ராசியில் இருந்தால் பூமி பாக்கியம் கிடைக்கும்.
• சொந்தமாக வீடு இருக்கும்.
• தாயாரின் உடல் நலம் நன்றாக இருக்கும். வீட்டில் மகிழ்ச்சி நிலவும்.
• ஜாதகர் கோப குணம் கொண்டவராக இருப்பார்.
• பல செயல்களிலும் வெற்றி கிடைக்கும்.
• உடன்பிறப்புகளால் சந்தோஷம் கிடைக்கும்.

ரிஷபத்திற்கு 4-ம் பாவத்தில்-சிம்மத்தில் சூரியன்

• சுய வீட்டில் சூரியன் இருந்தால்,பூமி வாங்கும் அதிர்ஷ்டம் உண்டு.
• நல்ல பணவரவு இருக்கும்.
• உல்லாசமான வாழ்க்கை அமையும்.
• வசீகரமான தோற்றத்தை கொண்டிருப்பார்.
• பிறரிடம் தன்னை கம்பீரமாக காட்டிக் கொள்வார்.
• ஆனால் மனதிற்குள் அமைதியற்ற நிலை இருக்கும்.

ரிஷபத்திற்கு 5-ம் பாவத்தில்-கன்னியில் சூரியன்

• ஐந்தாம் பாவத்தில் திரிகோணத்தில் சூரியன் இருந்தால், படிப்பு விஷயம் நன்றாக இருக்கும்.
• பிள்ளைகளால் நல்ல பெயர் கிடைக்கும்.
• ஜாதகர் ஈர்க்கக்கூடிய தோற்றத்தை கொண்டிருப்பார்.
• அறிவாளியாக இருப்பார்.
• எதையும் தொலைநோக்குடன் பார்ப்பார்.
• குடும்ப வாழ்க்கையில் சந்தோஷம் இருக்கும்.
• பூமி பாக்கியம் கிடைக்கும்.
• தாயால் சந்தோஷம் உண்டாகும்

ரிஷபத்திற்கு 6-ம் பாவத்தில்-துலாம் ராசியில் சூரியன்

• ஆறாம் பாவத்தில் சூரியன் தன் எதிரியான சுக்கிரன் ராசியில் இருந்தால், பகைவர்கள் அதிகமாக இருப்பார்கள்.
• ஆனால் சூரியன் எரிக்கக்கூடிய கிரகம் என்பதால் பகைவர்கள் குறைவார்கள். அன்னைக்கு உடல்நல பாதிப்பு உண்டாகும்.
• பூமி, வீடு வாங்கும்போது பிரச்சனை ஏற்படும்.

ரிஷபத்திற்கு 7-ம் பாவத்தில்-விருச்சிகத்தில் சூரியன்

• ஏழாம் பாவத்தில் சூரியன் இருந்தால் மனைவி அழகாக இருப்பாள்.
• பணவரவு நன்றாக இருக்கும். வர்த்தகத்தில் வெற்றி கிடைக்கும்.
• பூமி வாங்கும் பாக்கியம் உண்டு. சொந்தத்தில் வீடு இருக்கும்.

ரிஷபத்திற்கு 8-ம் பாவத்தில்-தனுசில் சூரியன்

• எட்டாம் பாவத்தில் சூரியன் தன் நண்பர் குருவின் ராசியில் இருந்தால்,
• சிலர் வெளியே சென்று வாழ்வார்கள்.
• பூமி,வீடு வாங்கும்போது பிரச்சனை இருக்கும்.
• இரண்டாம் பாவத்தை சூரியன் பார்ப்பதால் குடும்பத்தில் அவ்வப்போது சிறுசிறு பிரச்சனைகள் தோன்றும்.

ரிஷபத்திற்கு 9-ம் பாவத்தில்-மகரத்தில் சூரியன்

• ஒன்பதாம் பாவத்தில் சனியின் வீட்டில் சூரியன் இருந்தால், அன்னைக்கு உடல்நல பாதிப்பு இருக்கும்.
• பூமி, சொந்த வீடு ஆகியவற்றில் பிரச்சனை இருக்கும். ஆனால் கடுமையான உழைப்பிற்குப் பிறகு சந்தோச சூழல் உண்டாகும்.
• பண வரவு இருக்கும்.
• அதிர்ஷ்டம் தேடி வரும்.

ரிஷபத்திற்கு 10-ம் பாவத்தில்-கும்பத்தில் சூரியன்

• பத்தாம் பாவத்தில் கும்ப ராசியில் சூரியன் இருந்தால்,
• ஜாதகரின் தந்தைக்கு சில பிரச்சனைகள் உண்டாகும்.
• அரசாங்க விஷயங்களில் சில தடைகள் ஏற்படும்.
• சிலருக்கு வெற்றியில் தடை இருக்கும். சுமாரான வெற்றி கிடைக்கும்.

ரிஷபத்திற்கு 11-ம் பாவத்தில்-மீனத்தில் சூரியன்

பதினோராம் பாவத்தில் (லாப ஸ்தானத்தில்) குருவின் மீன ராசியில் சூரியன் இருந்தால், பணவசதி நன்றாக இருக்கும்.
தாயாரால் சந்தோஷம் கிடைக்கும்.
பூமி,வாகனம் இருக்கும்.
குடும்பத்தில் சந்தோஷம் நிலவும்.

ரிஷபத்திற்கு 12-ம் பாவத்தில்-மேஷத்தில் சூரியன்

• பன்னிரெண்டாம் பாவத்தில் தன் நண்பரான செவ்வாயின் வீட்டில் இருந்தால்,செலவுகள் அதிகமாக இருக்கும்.
• அன்னைக்கு உடல்நல பாதிப்பு ஏற்படும். சிலர் வெளியே சென்று வாழ்வார்கள். அதன் மூலம் பெரிய அளவில் லாபம் கிடைக்கும்.

ஜாதகம் தொடர்பான தங்களின் கேள்விகளை கீழ்காணும் Telegarm குழுவில் இணைந்து தெரிவிக்கலாம் …