சனி பகவான்
உங்களுடைய ஜெனன லக்னமோ ராசியோ துலாம்,தனுர் , கும்பம் , மீனம் , ரிஷபம் , கடகம் இவையாக இருக்க வேண்டும்.இந்த ராசிகளுக்குள் ஒன்றில் சனீஸ்வரர் அமர்ந்து இருக்க வேண்டும். அப்படி அமைந்து இருக்கும் சனிக்குக் குரு பகவான் தொடர்பு இடம் பெற்று இருக்க வேண்டும்.
குரு பார்ப்பது , சனியுடன் சேர்ந்து இருப்பது அல்லது குருவின் நட்சத்திரங்களில் சனீஸ்வரர் இருப்பது மேலே தரப்பட்டுள்ள ( 6 ராசிகளுக்குள் ) லக்னம் , ராசியாக அமைந்து அங்கு இருந்து எண்ணும்போது சனீஸ்வரர் 3 , 5 , 10,11 ஆக இடம் பெற்று இருப்பது இப்படிப்பட்ட நிலையில் உங்கள் ஜாதகத்தில் சனீஸ்வரர் இருந்தால் பொங்கு சனி யோகம் உடையவர் நீங்கள் . இப்படி அமையப் பெற்ற மேற்கூறிய எல்லா விதிகளிலும் ராசி . அம்சம் இரண்டிலும் அமைந்தவர்கள் பூர்வ புண்ணிய பலன் உடையவர் என்று தான் சொல்ல வேண்டும்.
ஜெனன லக்னம் அல்லது ராசிக்கு கேந்திர வீடுகளில் 1 , 4 , 7 , 10 இந்த ஸ்தானங்களுக்குள் சனீஸ்வரர் அமர்ந்து அவர் ஆட்சி அல்லது உச்சம் பெற்று இருந்தால் அது சசயோகமாகும்.இதுவும் சனீஸ்வரரின் அதிர்ஷ்டத்தைப் பெறும் ஒரு அமைப்பாகும்.
சனி பகவானும் , சந்திர பகவானும் 1 , 4 , 5 , 7 , 9 , 10 போன்ற ஸ்தானங்களுக்குள் இருந்தால் அது சனீஸ்வரரின் சனி சந்திர யோகமாகும்.இந்த ஸ்தானங்கள் துலாம் , மகரம் , கும்பம் , ரிஷபம் , கடகமானால் சிறப்பு.
சனீஸ்வரர் பரிவர்த்தனை பெற்று அந்த பரிவர்த்தனை கேந்திர,திரிகோணாதிபதி பரிவர்த்தனையாகி இருக்க வேண்டும். அப்படி இருப்பின் அவரால் அனுகூலம் அடையலாம்.
ஷட்பலம் என்ற 1. ஸ்தான பலம் , 2. கால பலம் , 3. நைசர்கிக பலம் , 4. திக்கு பலம் , 5. அயன பலம் , 6. ஜேஷ்ட பலம் . இந்த ஆறு வகையான பலன்களாலும் மொத்தம் 500 மதிப்பெண்களுக்கு மேலே இருக்க வேண்டும்.
அஷ்டவர்க்கப்படி இவர் உங்க ஜாதகத்தில் அனுகூல இடத்தில் அதாவது எந்த லக்னமாக இருந்தாலும் 3 , 6 , 10 , 11 ல் இடம் பெற்று அந்த இடம் இவருக்கு பகை , நீச்சம் இல்லாமல் அவர் நின்ற இடத்தில் அவருக்கு பிரஸ்தார பரல் 4 அல்லது அதற்குமேல் அமையின் அல்லது சர்வாஷ்டகவர்க்கப்படி 25 பரல் அல்லது அதற்கு மேல் அமையின் இவரால் நீங்கள் அனுகூலங்களைப் பெற முடியும்.
