சுபகிருது தமிழ் வருட பலன்கள்-2022-சிம்மம்
ஆத்மகாரகனாகிய சூரியனை ஆட்சி வீடாக கொண்ட சிம்ம ராசி அன்பர்களே!!!
இந்த வருடம் முழுவதும் குருபகவான் உங்கள் ராசிக்கு 8-ஆம் இடம் சஞ்சாரம் செய்கிறார்.
ராகு கேதுக்கள் முறையே 9, 3மிடம் சஞ்சாரம் செய்கிறார்கள்.
சனிபகவான் சித்திரை 16ஆம் தேதி முதல் 28ம் தேதி வரை அதிசாரமாக தை மாதம் 3 ஆம் தேதி முதல் வருடம் முடிவு வரை நேர்கதியில் உங்கள் ராசிக்கு 7-ஆம் இடம் சஞ்சாரம் செய்கிறார்.
ஆனி மாதம் 28ஆம் தேதி முதல் தை மாதம் 3ம் தேதி வரை சனிபகவான் உங்கள் ராசிக்கு 6-ம் இடம் சஞ்சாரம் செய்கிறார்.
- சித்திரை மாதம் முதல் ஆனி மாதம் வரை திருஷ்டி தோஷத்தினால் அதிகம் பாதிக்கப்படுவீர்கள்.
- தெய்வஸ்தலங்களுக்கு யாத்திரை செய்தாலும் எளிதாக தெய்வ தரிசனம் கிடைக்காது. பிரயாணங்களில் தடை ஏற்படும்.
- தொழில்துறையில் பண வருவாயில் தேக்க நிலை ஏற்படும்.
- செலவுக்கு ஏற்ற வருமானம் கிடைக்காது.
- உத்தியோகஸ்தர்கள் இடமாற்றம் பெறுவார்கள்.
- ஆடி மாதம் முதல் மார்கழி மாதம் வரை தொழில்துறையில் பழைய பாக்கிகள் ஓரளவு வசூலாகும்.
- போட்டியில் வெற்றி கிடைக்கும்.
- தொழில் நிமித்தமாக அடிக்கடி வெளியூர் செல்ல வேண்டி இருக்கும்.
- அலைச்சலுக்கு ஏற்ற வருமானம் கிடைக்கும்.
- கிடைத்த தொகையை தக்க வைத்துக் கொள்ளவும், வேறு வேலை கிடைக்கும் வரை இருக்கும் வேலையை விட கூடாது.
- தை மாதம் முதல் பங்குனி மாதம் வரை உள்ள காலத்தில் தொழில் கூட்டாளிகளுடன் விரோதம் பாராட்ட கூடாது.
- கணவன் மனைவிக்குள் சலசலப்பு ஏற்பட்டாலும் பேசி தீர்த்துக்கொள்ள வேண்டும். மற்றவர்கள் தலையீட்டை அனுமதிக்க கூடாது.
- உங்கள் செயல்பாட்டை வெளியில் சொல்லாதீர்கள்.
- வெளியில் சொல்லும் விஷயங்கள் நிறைவேறாது.
- மாணவர்கள் கவனத்துடன் படித்தால் மட்டுமே நல்ல மதிப்பெண் பெற முடியும்.
பரிகாரம்
வருட ஆரம்பத்திலேயே ஒருமுறை வீட்டில் கணபதி,நவக்கிரக சுதர்சன ஹோமம் செய்யவும்.
பிரதி வியாழக்கிழமை குலதெய்வத்தை வணங்குங்கள் தடைகள் விலகி முன்னேற்றம் அடைவீர்கள்.
