Rasi Palan Today-01.10.2021
மேஷம்-Mesham
இன்றைக்கு எதிலும் நிதானமாக செயல்படவும். பயணங்களை திட்டமிட்டுச் செய்யவும். சிலருக்குத் தாய்வழி உறவுகளால் செலவுகள் ஏற்படக்கூடும். குடும்பத்தில் வீண் விவாதம் ஏற்படக்கூடும் என்பதால், பொறுமையைக் கடைப்பிடிப்பது நல்லது. திடீர் செலவுகளால் ஒரு சிலர் கடன் வாங்கவும் நேரிடலாம். அலுவலகத்தில் சக ஊழியர்களால் சில சங்கடங்கள் ஏற்படக்கூடும். ஆனால், அதிகாரிகள் அனுசரணையாக இருப்பது ஆறுதல் தரும். வியாபாரத்தில் கனிவான அணுகுமுறை அவசியம்.
ரிஷபம்-Rishabam
நண்பர்களின் அன்பும், ஆதரவும் கிடைக்கும். தொழில், வியாபாரத்தில் ஓரளவு முன்னேற்றம் உண்டு. எதிர்பார்த்த லாபத்தை இறுதியில் போராடிப் பெறுவீர்கள்.. பணியாளர்களுக்கு நிர்வாகத்தினரின் ஆதரவால் பாராட்டு, பரிசு கூட கிடைக்கும். பெண்கள் விருந்து விழாவில் பங்கேற்பர். சிலர் ஆடை, ஆபரணம் கூட வாங்க இடம் உண்டு.
மிதுனம்-Mithunam
ஒன்றுக்கு மேற்பட்ட வேலைகளை ஒரே சமயத்தில் செய்ய வேண்டி இருக்கலாம். தொழிலில் உற்பத்தி, விற்பனை சராசரி அளவில் இருக்கும். பணியாளர்களுக்கு பணத்தேவை அதிகரிக்கும். பெண்கள் வாக்குவாதத்தை தவிர்க்கவும். பெற்றோர் வழியில் சின்னச் சின்ன அதிருப்திகள் காணப்படும். பூர்வீக சொத்து விஷயங்களை சிலர் பேசித் தீர்ப்பது நல்லது. பொறுமையை கடை பிடிக்க வேண்டிய நாள்.
கடகம்-Kadagam
இன்று எந்த ஒரு காரியத்தை செய்யும் முன்பும் அதை எப்படி செய்வது என்ற மன தடுமாற்றம் ஏற்பட்டு நீங்கும். அவசர முடிவுகளை தவிர்ப்பது நன்மை தரும். எதிர்காலம் பற்றி முக்கிய முடிவுகளை எடுக்க நினைப்பீர்கள். அடுத்தவர் யோசனைகளை கேட்டு தடுமாற்றம் அடையாமல் இருப்பது நல்லது.
சிம்மம்-Simmam
தேவையான பணம் கையில் இருந்தாலும், எதிர்பாராத செலவுகளால் கையிருப்பு கரைவதுடன், சிலர் கடன் வாங்கவும் நேரிடும். சிலருக்கு வெளியூர்ப் பயணம் செல்ல நேரிடும். தாயின் உடல் நலனில் கவனம் தேவை. சிலருக்கு வெளியூர்களில் இருக்கும் ஆலயங்களையும் தரிசிக்கும் வாய்ப்பு ஏற்படும். வியாபாரத்தில் வீண் செலவுகள் ஏற்படக்கூடும். பணியாளர்களை அனுசரித்துச் செல்லவும்.
கன்னி -Kanni
இன்று புதிய முயற்சிகளில் கூடுதல் கவனத்துடன் இருந்து கொள்ளவும். மற்றவர்களுடன் வீண் மனஸ்தாபம் ஏற்பட இடம் தராதீர்கள். எதிர்பார்த்த காரியம் முடிவதில் தாமதம் ஏற்பட்டாலும், உங்களது முயற்சி வீண் போகாது. சிலருக்கு சகோதரர்களால் சில பிரச்னைகள் ஏற்படக் கூடும். ஆனால், தாயின் அன்பு ஆறுதலாக இருக்கும். சிலருக்கு அலுவலகத்தில் பணிச்சுமை அதிகரிக்கும். எனினும் சமாளித்து விடுவீர்கள். அலுவலகத்தில் உங்களிடம் கொடுக்கப்பட்ட உங்கள் பணிகளை மற்றவர் களிடம் ஒப்படைக்க வேண்டாம் என்று கேட்டுக் கொள்ளப்படுகின்றீர்கள். மொத்தத்தில் பொறுமையால் வெல்ல வேண்டிய நாள்.
துலாம்-Thulam
எதிர்பார்த்த பணம் வந்தாலும் எதிர்பாராத செலவுகளும் ஏற்படக்கூடும். புதிய முயற்சிகளை மிகக் கவனமுடன் செய்யவும். தாய்வழி உறவுகளுக்காக செலவு செய்ய வேண்டி வரும். அலுவலகத்தில் எதிர்பார்த்த சலுகை கிடைப்பதில் தடை, தாமதம் ஏற்படக்கூடும். வியாபாரத்தில் செலவுகள் அதிகரிப்பதால் மனதில் சஞ்சலம் ஏற்படக் கூடும். பணியாளர்களால் சில பிரச்னைகள் ஏற்பட்டு நீங்கும்.
விருச்சிகம்-Viruchigam
இன்று மற்றவர்களுடன் இருந்த பகை நீங்கும். பூர்வீக சொத்துக்களில் இருந்த சிக்கல்கள் தீரும். பணம் வரும் வாய்ப்பு உள்ளது. எதிர்த்து செயல்பட்டவர்கள் ஒதுங்கி விடுவார்கள். நீண்ட நாள் கஷ்டங்கள் நீங்கும். பல விதத்திலும் நன்மை செய்யும். மற்றவர்களுக்காக வாதாடி வெற்றி பெறுவீர்கள். புத்தி கூர்மையுடன் செயல்படுவீர்கள். தைரியம் உண்டாகும்.
தனுசு-Thanusu
அனாவசிய பேச்சை தவிர்க்கவும். குடும்பத்தில் உள்ளவர்கள் யாரும் தன்னை புரிந்துகொள்ளவில்லையே என ஆதங்கப்படுவீர்கள். சிறுசிறு அவமானம் ஏற்படக்கூடும். வியாபாரத்தில் வாடிக்கையாளர்களால் சச்சரவு வந்து நீங்கும். அலுவலக ரகசியங்களை வெளியிடவேண்டாம். வளைந்துக் கொடுக்க வேண்டிய நாள்.
மகரம்-Magaram
குடும்பத்தாரின் எண்ணங்களை கேட்டறிந்து பூர்த்தி செய்வீர்கள். மற்றவர்களுக்காக சில செலவுகளை செய்து பெருமைப்படுவீர்கள். விருந்தினர் வருகை அதிகரிக்கும். வியாபாரத்தில் புது தொழில் தொடங்கும் முயற்சி வெற்றி அடையும். உத்தியோகத்தில் பாராட்டப்படுவீர்கள்.
கும்பம்-Kumabm
தவறு செய்பவர்களை தட்டிக் கேட்பீர்கள். உங்களிடம் பழகும் நண்பர்கள், உறவினர்களின் பலம் பலவீனத்தை உணர்வீர்கள். பழைய கடன் பிரச்சினைகள் கட்டுப்பாட்டிற்குள் வரும். வியாபாரத்தில் புது இடத்திற்கு கடையை மாற்றுவீர்கள். உத்தியோகத்தில் சக ஊழியர்களின் ஆதரவால் நினைத்ததை முடிப்பீர்கள்.
மீனம்-Meenam
கணவன்-மனைவிக்குள் பிரச்சனைகளை பேசித் தீர்த்துக் கொள்வீர்கள். புதியவரின் நட்பால் ஆதாயமடைவீர்கள். வெளிவட்டாரத்தில் புது அனுபவம் உண்டாகும். வியாபாரத்தில் வேலையாட்களை தட்டி கொடுத்து வேலை வாங்குவீர்கள். உத்தியோகத்தில் இழந்த உரிமையை பெறுவீர்கள். சுமைகளைக் கூட சுகமாகும் நல்ல நாள்.
ஜாதகம் தொடர்பான தங்களின் கேள்விகளை கீழ்காணும் Telegarm குழுவில் இணைந்து தெரிவிக்கலாம் …
