கடக லக்கினத்தில் பிறந்தவர்களுக்கு கேது தரும் பலன்கள்

கடக லக்கினத்தில் பிறந்தவர்களுக்கு கேது தரும் பலன்கள்

கடகத்தில் கேது

• கடக லக்னத்தில், எதிரியான சந்திரனின் ராசியில் கேது பகவான் இருந்தால் உடலில் அடிக்கடி காயங்கள் உண்டாகும்.
• ஜாதகர் சுமாரான தோற்றத்துடன் இருப்பார்.
• உடல்நலத்தில் சிறிய குறைகள் இருக்கும்.
• புகழுக்காக சிறிது கூட கூச்சமே இல்லாமல் எந்த வழிக்கும் செல்ல ஜாதகர் தயாராக இருப்பார்.

சிம்மத்தில் கேது

• 2-ஆம் பாவத்தில் சூரியனின் சிம்ம ராசியில் கேது பகவான் இருந்தால் ஜாதகருக்கு பல நேரங்களில் பண இழப்பு உண்டாகும்.
• அதனால் கடனாளியாவார்.
• எனினும் பல வழிகளை கையாண்டு வெற்றி பெறுவார்.

கன்னியில் கேது

• 3-ஆம் பாவத்தில் கன்னி ராசியில் கேது பகவான் இருந்தால், ஜாதகர் தைரியசாலியாகவும், புத்திசாலியாகவும் இருப்பார்.
• பல வித்தைகளை பயன்படுத்தி பணம் சம்பாதிப்பார்.
• பல மறைமுக செயல்களைச் செய்வார்.

துலாம் கேது

• 4-ஆம் பாவத்தில் சுக்கிரனின் துலாம் ராசியில் கேது பகவான் இருந்தால் தாயாரின் உடல்நலம் பாதிக்கப்படும்.
• பலருக்கு அடிக்கடி இடம் மாறுதல் உண்டாகும்.
• வீட்டை அடிக்கடி மாற்றுவார்கள்.
• ஜாதகர் கடுமையாக உழைத்து குடும்பத்தை காப்பாற்றுவார்.

விருச்சிகத்தில் கேது

• 5-ஆம் பாவத்தில் செவ்வாயின் விருச்சிக ராசியில் கேது பகவான் இருந்தால் குழந்தை பிறப்பதில் பிரச்சனை இருக்கும்.
• பிள்ளைகளால் தொல்லைகள் உண்டாகும்.
• படிப்பில் தடங்கல் ஏற்படும்.
• ஜாதகர் பல கஷ்டங்களை கடந்து வெற்றி பெறுவார்.

தனுசில் கேது

• 6-ஆம் பாவத்தில் குருவின் தனுசு ராசியில் கேது பகவான் இருந்தால் ஜாதகன் பகைவர்களை வெல்வார்.
• பல கஷ்டங்களை மிகவும் துணிச்சலுடன் எதிர் கொள்வார்.

மகரத்தில் கேது

• 7-ஆம் பாவத்தில் சனியின் மகர ராசியில் கேது பகவான் இருந்தால் கணவன் மனைவிக்கிடையே கருத்து வேறுபாடு இருக்கும்.
• வர்த்தகத்தில் போட்டி இருக்கும்.
• பிறப்புறுப்பில் நோய் ஏற்படும்.
• ஜாதகர் காமம் மிகுந்தவராக இருப்பார்.

கும்பத்தில் கேது

• 8-ஆம் பாவத்தில் சனியின் கும்ப ராசியில் கேது பகவான் இருந்தால் ஜாதகனுக்கு பல நோய்களின் பாதிப்பு இருக்கும்.
• பூர்வீக சொத்தில் பிரச்சினை ஏற்படும்.
• வயிற்றில் நோய் வரும். எனினும் ஜாதகர் தைரியசாலியாக இருப்பார்.
• சில நேரங்களில் தேவையற்றதை பேசுவார்.

மீனத்தில் கேது

• 9-ஆம் பாவத்தில் குருவின் மீன ராசியில் கேது பகவான் இருந்தால் ஜாதகர் கடுமையாக உழைத்து வாழ்க்கையில் முன்னேறுவார்.
• மனதில் பல சிக்கல்கள் இருக்கும்.
• பலருக்கு கடவுள் நம்பிக்கை இருக்காது.
• அதிஷ்டத்தில் தடங்கல் இருக்கும்.
• பலர் வீணாக ஊர் சுற்றிக் கொண்டிருப்பார்கள்.

மேஷத்தில் கேது

• 10-ஆம் பாவத்தில் செவ்வாயின் மேஷ ராசியில் கேது பகவான் இருந்தால் ஜாதகருக்கு தந்தையுடன் கருத்து வேறுபாடு இருக்கும்.
• அரசியல்வாதிகளால் சிலருக்கு பிரச்சனைகள் ஏற்படும்.
• வர்த்தகத்தில் கடுமையான போட்டி நிலவும்.
• பல போராட்டங்களுக்குப் பிறகு வாழ்க்கையில் வெற்றி கிடைக்கும்.

ரிஷபத்தில் கேது

• 11-ஆம் பாவத்தில் சுக்கிரனின் ரிஷப ராசியில் கேது பகவான் இருந்தால் ஜாதகருக்கு பண வரவு இருக்கும்.
• ஆனால் அதற்காக அவர் கடுமையாக உழைக்க வேண்டியதாக இருக்கும்.
• பலர் சுயநலவாதிகளாக இருப்பார்கள்.
• தைரியசாலிகளாக இருப்பார்கள்.

மிதுனத்தில் கேது

• 12-ஆம் பாவத்தில் புதனின் மிதுன ராசியில் கேது பகவான் இருந்தால் செலவுகள் அதிகமாக இருக்கும்.
• வெளித் தொடர்பு காரணமாக வீணான செலவுகள் உண்டாகும்.
• பலர் தேவையற்றதை பேசி சிக்கலில் மாட்டிக் கொள்வார்கள்.