ஆங்கில புத்தாண்டு பலன்கள்-2023:மிதுனம்
மதுரை மீனாட்சி அம்மனின் அருள் பெற்ற மிதுன ராசி அன்பர்களே!!!
வரும் புத்தாண்டு உங்களுக்கு சிறப்பான பலன்களை தருவதற்கு நான் இறைவனை மனமார வேண்டுகிறேன்.
புத்தாண்டு பிறக்கும் நேரத்தில் உங்கள் ராசிக்கு 5-ல் கேது பகவானும், 7-ல் சூரியனும் புதனும், 8-ல் சுக்கிரனும் சனியும், பத்தில் குருவும், 11-ல் ராகுவும்- சந்திரனும், 12-ல் செவ்வாயும் அமர்ந்துள்ளனர்.
இந்த ஆண்டின் தொடக்கத்திலிருந்து சங்கடங்கள் நீங்கி சாதகமான விஷயங்கள் நடக்கத் தொடங்கும். பணியிடத்தில் உங்களது திறமையை மேலதிகாரிகளால் உணரப்படும். உடனிருப்பவர்கள் ஆதரவு உங்களுக்கு மகிழ்ச்சியை ஏற்படுத்தும். இந்த நேரத்தில் யாருடைய தவறையும் பெரிதுபடுத்திப் பேசுவதும் அனுபவமிக்கவற்றை அலட்சியப் படுத்துவதும் கூடவே கூடாது.
கோப்புகளில் கையெழுத்து இடும் சமயங்களிலும் மற்றும் பணத்தை கையாளும் சமயத்திலும் நிதானத்தை கடைபிடியுங்கள். இடமாற்றம், பதவி உயர்வுகள் தாமதமானாலும் தக்க சமயத்தில் வந்து சேரும்.
குடும்பத்தில் இனிமையான சூழல் நிலவும், வாழ்க்கைத்துணையுடன் இருந்த கருத்து வேறுபாடுகள் நீங்கும். உங்களது குழந்தைகளுடன் இருக்கும் வீண் சச்சரவை தவிருங்கள். தடைபட்ட சுபகாரியங்கள் உடனடியாக நடக்கும்.
அரசு, அரசியல் துறையினருக்கு சீரான வளர்ச்சி இருக்கும். சின்ன சின்ன பொறுப்புகளில் இருந்தாலும் உங்கள் திறமைகள் வெளிப்பட்டு மேலிடத்து பாராட்டு கிடைக்கும். பொது இடங்களில் வாக்குறுதி ஏதும் தரும் முன் ஒருமுறைக்கு இருமுறை யோசித்து செயல்படுங்கள். சட்டத்திற்குப் புறம்பானவர்களை நட்பு, கனவிலும் எட்டிப்பார்க்காமல் கவனமாக இருங்கள்.
கலைத் துறையைச் சேர்ந்தவர்களுக்கு வாய்ப்புகள் படிப்படியாக வரத்தொடங்கும்.யாருடைய வார்த்தையையும் நம்பி கையில் இருக்கும் வாய்ப்பை கோட்டை விட்டுவிட்டு புதியதை தேடி அலைய வேண்டாம்.
கவனமாக இருக்க வேண்டிய விஷயங்கள்
10-ல் குரு இருப்பதால் உங்களது பதவி சார்ந்த விஷயங்களில் கவனமுடனிருப்பது நல்லது. வேலை சார்ந்த விஷயங்களில் யாரையும் நம்பாமல் நீங்களே அதை மேற்பார்வை செய்து முடித்துக் கொள்வது நல்லது.
12-ல் செவ்வாய் வக்ரம் பெற்று இருப்பதால் சகோதர சகோதரிகளுடன் கருத்து வேறுபாடு வருவதற்கு வாய்ப்புகள் உள்ளது ஆகையால் அவர்களுடன் அனுசரித்து செல்வது நல்லது.
8-ல் சனியும் சுக்கிரனும் இணைந்து இருப்பதால் பெண்கள் சார்ந்த விஷயங்களில் கவனமுடனிருப்பது நல்லது. குறிப்பாக பெண்கள் இடத்தில் கடன் வாங்குவது கடன் கொடுப்பது கூடாது.
7-ல் சூரியனும் புதனும் இணைந்து இருப்பதால் வாழ்க்கைத்துணையுடன் அனுசரித்து செல்ல வேண்டும். வீண் விவாதங்களையும் சண்டை, சச்சரவுகளையும் தவிர்த்தால் இந்த ஆண்டு உங்களுக்கு மகிழ்ச்சிகரமான ஆண்டாக அமையும்.
5-ல் இருக்கும் கேது பகவான் குழந்தைகளின் கல்வியில் சிறு தடைகளை ஏற்படுத்தலாம். ஆகையால் அவர்களுடைய கல்வியில் நீங்கள் மிக கவனம் செலுத்த வேண்டும்.
வெளிநாட்டு வேலைகளுக்கு முயற்சிப்பவர்கள் நிச்சயம் இந்த ஆண்டு வெளிநாடு வேலை அமையும் மேலும் ஒரு முறைக்கு பல முறை யோசித்து அந்த நிறுவனங்களின் கோப்புகளை ஆராய்ந்து கையெழுத்திடுவது நல்லது.
பரிகாரம்
இந்த வருடத்தில் முடிந்தால் மதுரை மீனாட்சி அம்மனை சென்று தரிசித்து வருவது உங்கள் வாழ்வில் எதிர்பாராத திருப்பங்களையும் சிறப்பான மாற்றங்களையும் ஏற்படுத்தும்.
